إمبارح وكالعادة الجديدة اللي لسه حاكي عنها المرة اللي فاتت كنت بعمل Ovaltine الصباح. حطيت السكر في المج بتاعي , ورحت حطيت اللبن في اللبانة الصغيرة علي النار, وقلت أستغل الفرصة علي ما اللبن يسخن, و أروح أحط البودرة السحرية علي السكر وأقعد أقلب فيه عشان يعمل وش زي بتاع الكابوتشينو كده. حطيت معلقتين من الOvaltine علي السكر و إبتديت أقلب..سرحت وأنا ببص علي الخليط.. تعالوا نسرح سوا. ال Ovaltine لونه بني مش غامق و مش فاتح, السكر بقي لونه إيه يا حلوين؟ لأ مش أصفر إسكت إنت..أيوه أيوه قولي تاني يا شطورة إنتي ياللي في الأخر, أيوه صح السكر لونه أبيض..لون اللبن, لون الخير.. و لو إفترينا علي ال Ovaltine شوية هنقول إن لونه غامق,إسود, شرير.. ببص في قاع الكباية و إيدي ماسكة المعلقة و مستمرة في التقليب و الضرب و الفعص و الهرس و زلزلة حياة حبات السكر و بودرة ال Ovaltine لقيت حاجة غريبة بتحصل.. هي مش غريبة يعني, بتحصل دايما و إحنا بنعمل شاي أو نسكافيه أو قهوة أو أي مشروب تاني لون حبيباته غامق و بنحطله سكر..بيتهيئلي فهمتوا..السكر.. الأبيض.. الفاتح.. الحلو.. لون الخير.. بيتقلب بني ي ي ي ي... بيفقد لونه..اللون الإسود بيطغي عليه.. بيفتري.. بيضيعه خالص و يمحي أثره..بيقلبه بني زيه..لون الخليط النهائي يخلييك تقول إن السكر لونه برضه بني..متعرفش تفرق مين كان حباية سكر و مين كان Ovaltine.
بس إمتي حصل كده؟؟ لو لاحظتوا كويس هتلاقوا السكر مخسرش نفسه وحلاوته و لونه غير مع التقليب.. مع الحركة.. مع الظروف و المواقف .. مع الحياة.
طب تعالوا نشوف دي.. الطفل أبيض.. حلو.. نقي.. لسه نازل الكباية.. وبعدين؟؟ بيتقلب.. فيتشقلب.. فيبقى بني.. وساعات كتير بيبقي إسود.. إسود غامق قوي.. إسود شرير..
السكر مش ضعيف.. ومش ممسوح الشخصية و مش مستسلم.. بدليل إنه مخسرش لونه و نقائه بمجرد ما حطينا عليه ال Ovaltine وحتي في أول التقليب هنلاقي شوية حبوب سكر بتحاول تقاوم..أو حتى تهرب..لكن أنا بفتري في اليقليب بصراحة.. و النتيجة.. مفيش ولا حبة سكر بتفضل بيضا زي ما إتولدت.. كلنا بنبقي علي أحسن تقدير.. بني...
فقت من تأملاتي علي صوت اللبن بيفور علي النار..صوت الوووووش المميز و رائحة اللاكتوز المحروق.. أنقذت ما يمكن إنقاذه ورحت أصب اللبن علي الخليط البني.. شيطان تأملاتي صحي تاني.. قالي بص كده علي اللبن ده.. مش أبيض أهو ورمز تفاؤل و خير.. ماله- لما بيتصب علي شوية حبيبات بني- ماله بيبقي بني هوا كمان.. حتي اللبن!!! حتي اللبن مش قادر يقاوم..وأنا اللي كان كل أملي إن اللبن الأبيض الجميل, بكميته اللي هي أكيد أكتر بكتير من معلقتين ال Ovaltine اللي أنا حاطتهم , أكيد هينقذ السكر, أكيد هيساعده يستعسد لونه و نقاءه, أكيد هيغسله و يرجعه زي ما إتولد.. لكن حتي اللبن.. حتي اللبن بيبقي بني..ومن غير تقليب كمان..
بس إمتي حصل كده؟؟ لو لاحظتوا كويس هتلاقوا السكر مخسرش نفسه وحلاوته و لونه غير مع التقليب.. مع الحركة.. مع الظروف و المواقف .. مع الحياة.
طب تعالوا نشوف دي.. الطفل أبيض.. حلو.. نقي.. لسه نازل الكباية.. وبعدين؟؟ بيتقلب.. فيتشقلب.. فيبقى بني.. وساعات كتير بيبقي إسود.. إسود غامق قوي.. إسود شرير..
السكر مش ضعيف.. ومش ممسوح الشخصية و مش مستسلم.. بدليل إنه مخسرش لونه و نقائه بمجرد ما حطينا عليه ال Ovaltine وحتي في أول التقليب هنلاقي شوية حبوب سكر بتحاول تقاوم..أو حتى تهرب..لكن أنا بفتري في اليقليب بصراحة.. و النتيجة.. مفيش ولا حبة سكر بتفضل بيضا زي ما إتولدت.. كلنا بنبقي علي أحسن تقدير.. بني...
فقت من تأملاتي علي صوت اللبن بيفور علي النار..صوت الوووووش المميز و رائحة اللاكتوز المحروق.. أنقذت ما يمكن إنقاذه ورحت أصب اللبن علي الخليط البني.. شيطان تأملاتي صحي تاني.. قالي بص كده علي اللبن ده.. مش أبيض أهو ورمز تفاؤل و خير.. ماله- لما بيتصب علي شوية حبيبات بني- ماله بيبقي بني هوا كمان.. حتي اللبن!!! حتي اللبن مش قادر يقاوم..وأنا اللي كان كل أملي إن اللبن الأبيض الجميل, بكميته اللي هي أكيد أكتر بكتير من معلقتين ال Ovaltine اللي أنا حاطتهم , أكيد هينقذ السكر, أكيد هيساعده يستعسد لونه و نقاءه, أكيد هيغسله و يرجعه زي ما إتولد.. لكن حتي اللبن.. حتي اللبن بيبقي بني..ومن غير تقليب كمان..
نسمة ربيع لكن بتكوي الوشوش
طيور جميلة بس من غير عشوش
قلوب تخفق إنما وحدها
هي الحياة كدا.. كلها في الفاشوش
وعجبي
(سيدي وتاج راسي صلاح جاهين )
وإذا كان يوسف بك وهبي قال "وما الدنيا إلا مسرحٌ كبير" و إذا كانت أغنية تتر مسلسل البراري و الحامول بيقول "الدنيا ملاحة يابا" فسجلوا عن لساني إني بقول " وما الدنيا إلا مجٌ كبير" و "الدنيا كباية يابا" وكلنا بندخلها سكر و نتقلب ونبقي Ovaltine لأ و البعض بيبقوا زفت الطين..
2 comments:
kol 7aga ba2et soda, aw at least bonny...
طيب و لية ما تقولشى إن الأوفالتين أو النسكافية هوه اللى بيفتح لونة؟؟
و علشان كدة لازم يبقى فية خساير؟؟
Post a Comment